Зубунь аймакса етасть илат, конатне лемтьфтольхть ВМФ-нь шити (В Зубово-Полянском районе отметили день ВМФ) МОКША

Военно-морской флотть шистонза Зубово-Полянав сашендсть инжихть марнек странаста. Васендакиге служафоль молебен. Сяльде кеподезь Россиянь, ВМФ-нь флакнень. Илась поладовсь памятникть маласа, конац лемтьф Великай Отечественнай войнаса шавф воиттненди.
Торжественнай пяльксть аделамдонза меле илас сафне машинаса ардсть райцентраста Каргал велети молемс. Праздниксь поладовсь Парца ляйть трваса. Сембонь поздравляндазень Нептунць и Русалкась. Алятне пялькстсть уендемаса.
ВМФ-ть шиц районцта ётафтовсь васенцеда. Но пяк цебярь, што и райононь оцюнятне, и эряйхне пара мяльса васьфтезь тя праздникть и путозь сембе вийснон сонь ётафтоманцты. Ламоцне надияйхть васьфтемс сонь и сай кизоть.