Санкт-Петербургсо юты финнэнь-угрань раськетнень культурань фестиваль (эрзя)
Ожоковонь 17-це чистэ Санкт-Петербургонь раськень Кудось терди теевемс содавиксэкс финнэнь-угрань раськетнень историяст ды культураст марто.
2020-2021-це иень сёрмадстоманть коряс, ошсонть эрить финнэнь-угрань ды самодиень 24 раськеть: карелт, комить, удмуртт, марить, мокшэрзят, ненецт, вепст, ингерманландецт, эстонт, хантт, мансить. Кругловой столь экшсэ участниктне кармить кортамо аволь материальной культурань сюпавчинь ванстомадо, этнокультурань ушодкстнэнень лездамодо. Кортамосонть кармить раськень-культурань вейсэндявкстнэнь представительтне, специалисттнэ ды эксперттнэ.
Анокставить выставка ды мастер-класст. Инжетне несызь коень оршамопельтнень, теевить содавиксэкс карелэнь сёрмадовксонь теемань техниканть марто ды тонадыть вепсэнь някань-ванстомапелень теемань лувтнень. Сцена лангсо кармить морамо Санкт-Петербургонь раськень-культурань вейсэндявкстнэнь шкинемань коллективтне. Программасонть финнэнь-угрань фольклорось ды раськень мелодиятнень неень шкань обработкатне. Инжетнень учи раськень ярсамопелень варчамо. Фестивалесь содавтсы культурань сюпавчинть марто ды кемекстасы Россиянь раськетнень койтненень-кирдатненень мелень явоманть. Мероприятиясь ютавтови Россиянь раськетнень вейкетьксчинь Иенть лувсо. Мероприятиясь анокстазь Санкт-Петербургсо раськетнень ютксо отношениятнень ды миграциянь политикань топавтоманть коряс комитетэнть лезксэнзэ вельде.