Ютазь иень даволковсто саезь РФ-со кемекстазель 2030-це иес «Культурной политикань государственной стратегиядо» Указось. (ЭРЗЯ)

Сонзэ эрямос совавтомась ней моли ламо сфератнесэ. Башка мель те документсэнть явови Россиясо эриця ламо раськетненень. Меельце кавто иетнень перть ламо кортамот молить раськетнень вейкетьксчист кастомадо. Тувталось сеньсэ, што меельце колмо иетнень перть РФ-со эриця раськетнень лангс покш влияния путыть омбо мастортнэ. Теке марто, кода невтить социологической ванкшноматне, стакачить ояксчисэ эрямонть коряс улить славянской раськетнень ютксояк. Чуросто, но редявить стакачить конфессиятнень ютксо. Тень кардамонь кисэ сёрмадстозель стратегиядо Указось.

Йошкар-Оласо межнациональной отношениятнень коряс президентнэнь Советэнь заседаниясо государствань Прявтось одс тешкстызе: регионтнэсэ эряви теемс весементь, штобу ламо раськень ломантне эрявольть ояксчисэ. Важодемс тень коряс эряви аволь ансяк культурасо, образованиясо, а весе сфератнесэ. «Рузонь келесь кода ульнесь раськетнень туртов вейсэнь кортамонь келекс, истямокс кадовияк. Раськетненень жо эряви ванстомс эсест келест» – тешкстызе Россиянь Прявтось.    

Башка киньгак мелень а кирдиця социологической ванкшноматнень коряс Мордовиясо парсте пряст марить ламо раськень ломантнень эйстэ 91 процентт.  А те пек паро невтевксэсь лия ламо раськень регионтнэнь коряс.