Яволявтозь «Раськень оршамопельсэ няка» пелькстамонь цётамотне. (ЭРЗЯ)
Жюринтень невтезельть сядо ведьгеменде ламо някат. Тесэ сурестэ кодазь, панксонь, конёвонь някат. Весе наряжась Мордовиясо эриця раськетнень оршамопельс. Башка тарка саить эрзянь ды мокшонь руцясо-палясо някатне. Эрьва кодамо тюсонь, цитниця мазыльматне теизь невтеманть алкуксонь кенярксичкс.
Оршамопелесь свалшкане ульнесь раськень тешксэкс. Викшневкстнэ, тюстнэ, ставкстнэ явовить вейкест-вейкест эйстэ, но теке марто кандыть вейке смусть — невтить весе мазычинть, койтнень, обуцятнень, конат таштавсть пингеде пингес ды ванстовсть руцятнесэ-палятнесэ. Пелькстамонь ютавтыцятнень валось коряс прявт путовксось — содавтомс эйкакштнэнь минек регионсо эриця раськетнень культураст марто.Апак вано сень лангс, автортнэ эйкакшт — раськень оршамопелень башка ёнкстнэ теезь пек парсте. Пелькстомосонть ульнесь вете номинацият. Эрьва номинациясонть зярыя изницят. Кинь ули мелезэ неемс те мазычинть — садо, невтемась карми роботамо чадыковонь кемколовоце чис.