«Ямщикнень моросна» фестивальсь. (МОКША)
Фестивальсь – тя оцю праздник. Ельниковскяй райононь самодеятельнай творческяй коллектифнень сцена лангса морамасна-кштимасна, кяскавса тюремась, кядь лангса бороцямась, каратисттнень и лия спортсметтнень отькорьшиснон няфнемасна – сембось тя аньцек ёмла пяльксоц народнай гуляндамань программать. Сире койс коре, сембе инжихнень и велеряйхнень каванязь кши-салса, мокшень пачаса и позаса, татаронь ламбамбяльса и кочкаф тишеста чайса. Ниле кизода инголе Новоямская слобода велесь кочкафоль фестивалень ётафтома вастокс аф стак, вдь тяса появась Мордовиянь почтовай службась. Тяниень пингонь велеряйхне вятьсазь эсь юрснон ямщикнень эзда, конат усксезь ломаттнень и почтовай паршихнень кафта сядода кизода тяда инголе. «Песни ямщиков» фестивальсь кочксесы марса творческяй коллектифнень аф аньцек Ельниковскяй районцта, но и маластонь райоттнень эзда, нльне Нижегородскяй областьста. Мора мархта фалу сяда тёждя покодемс, сокамс-видемс паксят и касфтомс шабат. Ялгань васедематне, фкянь-фкянь эзда тонафнемась, и, васендакиге, велетнень и культураньконь кеподемасна и ванфтомасна – вов мезенкса сашендыхть инжихне Новоямской слободав.