Якшамковонь 21-це чистэ Орданьбуень райононь Администрациясо ютась «Кеченьбие-Жабино» книгань презентация. (ЭРЗЯ)
Кеченьбие веленть историязо ушодови умонь 1508-це иестэ, зярдо лемдильть еще сонзэ Жабинакс-Кечушевакс. Шкань ютазь, 1696-це иестэ уездэнь кирдивийтне састь мельс максомс эрзянь велентень вейке лем – Жабина. Ламо пингень ютазь муевсть истят ломанть, конат арсесть нолдамс тиринь енкстост книга. Рецензентэкс кочказель Кеченьбиень шнамо ломанесь, филологиянь наукань докторось, профессорось Михаил Мосин. Книганть анокстамсто тевс нолдазельть архивень ламо материалт. Сынь лездыть ломантненень муемс ды вельмевтемс эсест кудораськень историянть. Редакторось, Вера Алексеева, Самара енксонь эриця, но сон путсь ламо вийть те, 400 лопас книганть лисемантень. Кенярксчинтень сакшность ламо ломанть, а Орозбуень «Паро ялгат» фольклорной ансамблясь казсь пурнавозтненень эрзянь моро.