Выставкатне Безбородовонди и Виардонди (МОКША)
Михаил Безбородов – мокшень васенце поэтоньке, поэзияньконь ушедыец и цёфксоц. Сонь кайги вайгялец пачкодсь аф аньцек эсь ломаненьконди, лама стихоц-мороц ётафт рузонь, лия кяльс. Теенза лемтьф выставкаса кочкафт сонь книганза, колганза учёнайхнень серматфсна. Василий Виард (Ардеев) лац содазе мокшень кяльть, народоньконь устно-поэтическяй творчестванц. Сон нолдась кефкие книга мокшень и вете книгат рузонь кяльса. Писательти лемтьф выставкаса няфтьфт книганза, марстонь сборникне, коса лисендсть Виардонь произведениянза, а тяфта жа колганза литературоветтнень работасна. Михаил Безбородовонь эряфоц аф кувакаль. Но нюрьхкяня пингста сон кенерсь тиемс пяк лама. Василий Виардонь сембе произведениянза тяштьфт тевонь содазь, саласазь лувиень мяльть, лездыхть тейнза сядонга лац шарьхкодемс ломаненьконь потма ширеснон. Писательсь сёрмадсь книгат и оцюфненди, и ёмлатненди, эрь книгати путнезе седиень сембе псинц. Ня кафта содаф сёрмады ломаттне лама тисть мокшэрзянь литературать виияманцты.