Выставкась архивса (МОКША)
Выставкать экспозицияса — аф эсь лацонь документт, конат ванфтовихть архивса. Лац няфтьф кись, конань ётазь архивонь сотрудникне кафксогемонь кизоста. Башка васта занцихть книгатне, конат нолдафт архивисттнень и учёнайхне марстонь работаснон вельде. Выставкать панжема сашендсть архивнай службань ветераттне, а тяфта жа сембе сят, кие вяти центральнай государственнай архивонь покодихнень мархта марстонь научнай работа. Лама цебярь, лямбе валда азфоль ётай и тяниень пингонь архивисттнень лемс. Синь тевсна пяк эряви историяньконь содамаса, мялямть ванфтомаса. Юбилейнай кизоста архивса покодихне ётафтыхть нинге лама эрь кодама ила. Выставкать панжемац — тя васенцесь ня пуромкснень эзда. Сонь целец — содафтомс ломаттнень архивнай службать работанц мархта.