Волгоградонь эрзя-мокшонь вейсэндявкстонть. (ЭРЗЯ)
Региональной эрзянь, мокшонь общественной организацият улить эрьва регионсо. Зярыя иеде теде икеле истямо куро пурназель Волгоград ёнкссояк. Эрзянь-мокшонь землячествань прявтокс кармась Василий Кияев. Неть читнестэ сон сакшнось тиринь ёнксов, Сурвелев. Содавтызе минек редакциянтькак. Волгоградонь ёнксось – южной федеральной округонь сех покш регионтнэнь эйстэ вейкесь. Тосояк эрить эрзятне-мокшотне. 2011-це иень сёрмадстомань коряс Волгоград ёнкссо весе эриця эрзятнеде, мокшотнеде кадовсть малав вейке процент. Мезесь талновты Василий Никифоровичень — те се, што аволь весе региональной диаспоратнень улить ярмакт вастовомань, концертэнь ютавтомас. Те стакачись васняяк пры организациятнень прявтнэнь лавтовост лангс. Россиянь оштнэва сравтовозь эрзятне, мокшотне свал паро мельсэ сакшныть Мордовияв ды кенярдыть кода лиякстомсь тирить масторось, региононь прявт ошось. Ламо тев теи Василий Кияев эсензэ тиринь Сурвеленть туртов. Эрьва ие Троицясто сакшны раськензэ калмонзо лангс. Аволь умок Мордовиянь малав 20 эйкакшт оймсесть Волгоградсо. Сынст туртов невтезельть те ёнксонь содавикс таркатне. Ламо тееви Волгоград ёнксонь эрзятнень-мокшотнень туртовгак. Кевкстеманок лангс, кодамо ещё лезэ эряволь бу Волгоградонь обественной организациянтень Мордовиянть пельде? Мерсь — кодамояк. Те шкас те тевесь топавтови парсте!