Военной ды трудовой подвигень мемориальной музейсэ ютась летчицантень Марина Поповичнэнь алтазь вастовома. (ЭРЗЯ)
Авиацияв сонзэ кись ушодовсь 1940-це иетнестэ. 1948-це иестэ, Новосибирскоень авиационной техникумонь курсантокс улемстэ сон васенцеде ськамонзо кузьсь менельс. Парашютонь ды летчикень курсань прядомадо мейле, 1952-це иестэ сы Мордовияв. 1964-це иестэ Марина Попович кармась масторсонок вейкине авакс военной летчикекс-испытателекс. Самай сон васенцекс «МиГ-21» реактивной истребительсэ ютызе звуковой барьерэнть. Пурнавозтнень ютксо ламот содылизь летчицанть. Сергей Устинов теевсь монзэ марто содавиксэкс 15 иеде теде икеле. Эряви меремс Марина Попович колмоксть ульнесь Саранскоень мемориальной музейсэ. Коллективсэст вечкить ледстнеме сеть вастовоматнень. Эрямонь перть Марина Попович топавтсь масторонь 102 рекордт. Сон – технической наукань доктор, профессор, ниле академиянь наукас совиця, СССР-нь спортонь заслуженной мастер.