«Вместе дружная семья» форумдонть. (ЭРЗЯ)
Мордовия Республикань раськетнень ды конфессиятнень ютксо гармонизациядо государственной программась анокстазель кувака шкас. Сонзэ прявт тевтнень ютксо республикасонок эриця раськетнень ютксо ояксчинь сюлмавомадо зярыя мероприятият. Форумось ютавтови ламо иень перть ды умок теевсь покшчикс, конань вечксызь эрьва кодамо раськень ломантне. Истямо покшчисэ раськетне сюпалгадыть, кармить содамо лия раськетнь койтнеде. Форумонь свалшкань инжекс эрсить лия региононь эрзя-мокшонь вейсэндявксонь прявтнэ. Сынь эсь сельмсэ несызь, кодамо сюпав тиринь ёнксонок, кодамо мелень саиця покшчи анокстакшныть Мордовиясо ояксчисэ эриця раськетне. Республикасонок важодить зярыя общественной раськень вейсэндявкст. Саемга Азербайджанонь конгрэссэсь панжозель вете иеде теде икеле ды нурька шкань перть те раськень койтнеде кармасть содамо лия раськетнеяк. Сценанть лангсто гайгсть тиринь раськень морот: эрзянь, мокшонь, татаронь ды ламо лия кельтнесэ. А мазый тюсонь оршамопельтнесэ ванстовить раськень койтне.