Владимир Чибиркин ульсь Ардатовскяй районца (Владимир Чибиркин посетил Ардатовский район) МОКША

Ардатовскяй районца Владимир Чибиркин ванозе тона амайкса фкя инь оцю сельскохозяйственнай предприятиять «Ардатов» МАПО-ть. Видесонза покоди 300 ломань, серонь урядамань пингть паксятнень лангс лисенди сяда лама ломаньда. Средняй зарплатась тяса – 18 тежянь цалковай, а кизонь пингть пачкотькшни 100 тежянь цалковайти. Тядде арьсеф получамс эрь гектарста 30-35 центнер сёра, якстеряпста – 500-800 центнер гектарста.
Тяда башка, Госсобраниянь оцюнясь ульсь Ардатовань светотехническяй заводса. Сонь видесонза эрь кизоня ноляви од продукция. А тя корхтай сянь колга, што коллективсь вешемань ки лангса, фкя вастса аф ащи. Покодихнень лемс Владимир Чибиркин азсь шнама валхт, ламотнень эздост казезень Почетнай грамотаса.
Ардатоваса мекольдень пингть молихть оцю полафкст. Тяса строяви культурно-просветительскяй центра, панжевихть музыкальнай и народнай творчествань класст, социальнай и спортонь объектт. Тяка жа шиня Госсобраниянь оцюнясь васьфнесь райононь активть мархта, путсть од задачат, арсесть сяда товга молемс фкя киге.