Видемань тевтне ушодовсть (эрзя)
Мордовиянь аграрийтне ушодызь паксясо тундонь тевтнень. Тедеде велень хозяйствань культурань видемань модатнеде весемезэ — 763 тёжат гектарт. Ютазь иенть коряс те 4 тёжат гектарс седе ламо. Тунда яровой культуратнеде видить малав 520 тёжат гектарт. Теке марто поладови важодемась видьметнень анокстамосо. Телес видезельть сюронь культурань 155 тёжадо ламо гектарт. Республикань велень хозяйствань министерствасо тешкстасть, весе культуратнень видьметнеде сатышка. Кемекстазь ламбамо якстерькаень ды кукурузань видьмень ускомга контрактт.