Весероссиянь раськень фронтось нолды тевс «Генеральная уборка» проектэнть. (ЭРЗЯ)
Те интерактивной интернет-карта марто панжадо сетевой ресурс, косо невтевить РФ-нь 85 регионт. Проектэнть смустезэ — невтемс картанть лангсо сеть таркатнень, косо шукшпрятне. Истя региононь эрьва эрицянтень мереви сайтсэнть кадомс мелензэ закононь колазь теевезь шукшпрятнеде. Неть заявкатне седе тов кармить ваннозь модератортнэнь пельде ды тешкставомо картанть лангс. Весероссиянь раськень фронтонь экспертнэ ванносызь сынст ды пачтясызь «Генеральная уборка» проектэнь прявтнэнень. Теде башка, Весероссиянь раськень фронтонь представительтне сынськак ютавтнить рейдт сеть таркатнева, косо колавить законтнэ шукшпрятнень коряс. Бути кулясь кемекстави, сестэ пурнави группа, кона урядасы весементь эсензэ вийсэ. Истя Мордовиясо уш улить зярыя таркат, ков эрицятне кайсить шукштнэнь, сехте покштнэ Ромодановань, Рузаевкань ды Теньгушевань районтнэсэ.
Тешкстасынек, Мордовиясо те проектэнть лангс ярмактне явозельть грантонть вельде. Аграрной институтонь тонавтниясь Александр Титов идизе сонзэ «Иволга-2016» од ломанень форумсонть. Весероссиянь раськень фронтонь представительтне пшкадить республикань эрицятнень туртов, ИЛЯДО ЮТА ПРОЕКТЭНТЬ ВАКСКА, кучинк эсенк меленк интерактивной интернет-картас.