Весемасторонь финнэнь-угрань раськень конгрессэсь. (Всемирный конгресс финно-угорских народов) ЭРЗЯ
Финнэнь-угрань виев движениясь ушодовсь 19-це пингень прядовомсто. 20-30-це иетнестэ ламот масторсонок чумондозельть национализмасо, сестэ мольсть репрессият. Ансяк 60-це иетнестэ ф-у раськетнень культураст тонавтомантень кармасть явомо мельть ученойтне. 90-це иетнестэ, зярдо масторонок политикасо ульнесь тевень лиялгадомань этап, тиринь келень, историянь кис аштицятне састь мельс – истямо лувсо раськетне ёмить! Секскак, 92-це иень ушодовомсто, даволковсто Коми раськень вельмевтемань комитетэсь, «Масторава» э/м вельмевтемань вейсэндявксось, «Удмурт-Кенеш» ассоциацияс совицятне, «Югор» коми-пермяконь келень ванстыцянь вейсэндявксось пурнасть Ассоциация. Ды уш панжиковсто Ижевск ошсо ютавтозель Россиянь ф-у раськень 1-це Инекужось. Самай сестэ кемекставсь ф-у виев движения, конань кондят арасть весе масторсо. Пель иень ютазь ацамковсто Сыктывкарсо пурназель Весе масторонь ф-у 1це Конгрессэсь, ков сакшность финнэнь-угрань раськень 14 делегацият ды колмо –парламентскойть. Весемезэ 278 делегатт. Мордовиясто делегатнэнь ютксто ульнесь учёноесь Михаил Мосин. Весемасторонь финнэнь-угрань раськень омбоце Конгрессэсь пурназель 1996-це иестэ. Сестэ уш пурнавкшность 18 делегацият. Конгрессэнь роботамо лувоськак аламодо явовсь васенценть эйстэ. Пленарной заседаниядонть башка ульнесь ютавтозь секциява робота. 24 иеде теде икеле ушодозь важодемась максы редявикс цётавкст. Седе келейстэ кармасть тонавтневеме ф-у кельтне, тиринь кельсэ моравить эстрадань морот, нолдавить книгат, седе сеедьстэ социальной сетьнесэ кортамсоь ветяви тиринь кельтнесэ. Чарькодеви, весемесь те а максови стакачивтеме, конатнеде течинь чис сатышка. Михаил Мосин тешксты, седе покш мель тиринь келень, культурань ванстомга явома од ломантненень! 2012-це иестэ Инекужосонть, васенцеде, участниктне кунсолость докладт финнэнь-угрань раськень весе кельтнесэ. Мезе учови те иестэнть, невтьсы шкась. 7-це Конгрессэсь юты Финляндиясо, Лахти ошсо аштемковсто.