Весе Россиянь эстрадань моронь «Од вий» фестивалень гала-концертэсь. (Гала-концерт Всероссийского фестиваля мордовской эстрадной песни «Од вий») ЭРЗЯ

Тедиде сон ютавтозель кеменцеде ды пурнынзе морыцятнень Мордовинь весе районтнэстэ. Фестивалень инжекс кармась Самарань ёнксонь дуэтэсь. Гала-концертс жюрись кочкинзе ансяк сех виев морыцятнень. Весе моротне гайсть ансяк эрзянь эли мокшонь кельсэ. Те иень фестивалесь алтазель Кинонь иентень. Самара ёнконь дуэтэсь те пельктамонтень сась аволь васенцеде. Теке марто эрьва разнэ сцена лангс лисемадо икеле кортыть талномадо. Фестивальсэнть гайгсть Россиянь кинофильматнестэ морот. Концертэнь сех вишка морыцясь Лилия Ямбушева морась мокшонь кельсэ . Премьеранть ваныцятне вастызь пек парсте! А вана Саран ошонь морыцясь Анна Новикова морызе «Куко» Виктор Цоень моронть, конань эрзянь кельс ютавтызе Раиса Щанкина. Ламот морыцятнень эйстэ те фестивальсэнть пелькстыть аволь васенцеде. Кристина Доронькина сетнень эйстэ, кие те пелькстамонтень виензэ варчасы васенцеде. Саранскоев молемадо икеле сонзэ баславизе духовной наставникезэ, моронь авторось Евгений Самаркин. Малав 30 морот кавто часонь перть гайгсть фестивалень гала-концертсэнть. Кемтяно, сы иестэ «Од виесь» пурны седеяк ламо вийть!