«ВерескФЕСТ» фестивалесь Суоми масторсо (ЭРЗЯ)

Финляндиянь прявтошсо – Хельсинкисэ ютась «ВерескФест» финнэнь-угрань культурань раськеютконь васенце фестивалесь. Лемезэ сюлмазь «вереск» тикшенть марто, кона цвети кизэнь прядовомань ды сёксень ушодомань шкасто. Касы сон Финляндиясо, Эстониясо, Россиясо ды лия мастортнэсэ. Пертьпельксэнть марто сюлмавомась ловови прявт смустекс ды юты весе финнэнь-угрань раськетнень музыкаст пачк. Фестиваленть ютавтыцязо – Хельсинки ошсо Россиянь наукань ды культурань куншкакурось. Васенце «ВерескФестэнь» инжекс «Линнанкоскенпуисто» парксонть кармасть финнэнь-угрань эрьва кодат морыцят. Сынст ютксо – Таллинстэ «Килейне» фольклоронь ансамблясь. Наталия Абросимовань прявтсо коллективс совицятне морасть эрзянь, мокшонь гайгиця морот, ютавтсь налксемат, невтсь раськень эрьва кодат теевкст ды мазый оршамот. Теде башка, сыцятне каванявсть малавикс раськетнень ярсамопельсэ. Фестиваленть смустезэ – содавтомс весень Россиянь, Финляндиянь ды Эстониянь финнэнь-угрань раськетнень культураст марто. Покшчинь теицятне арсить ютавтомс истямо фестиваль сы иестэяк.