Венгриясо ютась финнэнь-угрань литератортнэнь 13 конгрессэсь (В Венгрии состоялся 13 конгресс финно-угорских литераторов) ЭРЗЯ

«Финнэнь-угрань раськетнень драматургиясь!» Те темантень алтазель литератортнэнь раськеютконь 13це конгрессэсь, кона ютась венгриясо. Форумонтень пурнавкшность 80-де ламо инжеть зярыя масторсто. Россиянь финнэнь-угрань малав весе раськетнень пельде ульнесть делегат. Конгрессэв молемадо вастозь кевкстематне эзизь кола делегатонок мельежост. Мордовиянь содавикс ломантне- Александра Каторова, Валентина Мишанина, Рая Орлова анокольть форумсо вейсэнь важодемантень. Промксонь программась пек мельстуицяль. Покш путовксозо теньсэ Янош Пустаи ф-у сермадыцянь ассоциациянь прявтонть, Венгриянь содавикс ученоенть. Мельстуиця проектнэнь, конатнень прявт лувост сюлмазь тиринь келенть, культуранть кепетеманзо марто, ломантне вастызь пек парсте. Маласо шкань тевекс кочказь  финнэнь –угрань кельстэ произведениятнень ютавтомась, мартост — омбо масторонь эрицятнень содавтомась. Теде башка,  конгрессэ евтазель арсема: седе сеедьстэ явомс мель раськень сюпав  шкинемантень. Чарькодеви, конгрессэ покш мель явозель драматургиядо кевкстематненень. Малав весе финнэнь угрань раськетнень драматургиясь  печти стакачить. Аламо сермадыцят, раськень театратнесэ путневить тиринь кельсэ аламо спектаклят. Неть асатыкстнэ  улить и минек регионсо. Сынст кардамонтень мельявоманть кепетема нейке! Омбо масторонь финнэнь –угрань раськетнень  литературань те енксонть коряс улить покш топавтомаст. Александра Каторова тешксты, истят промкстнэ максыть ламо лезэ. Стакачитнеде кортнема таркасояк ды седе сеедьстэ! Ансяк истя тевесь сыргавтови таркастонзо, вейсэнь важодемасо топавтовить од проектт, конатнень прявт лувост- ванстомс тиринь келенть, культуранть, историянть.