«Вейсэнь молемань» вийтне (эрзя)
Движение первых» весе Россиянь од ломанень общественно-государственной вейсэндявксось пурназель 2022-це иестэ. Прявт тевезэ — од ломантнень ютко шкань лезэвстэ ютавтомань аравтомась. Ней те вейсэнь куронтень совить 6 иестэ саезь 18 иес миллиондо ламо ломанть. Сарансо ютась «Движение первых» вейсэндявксонть марто важодемантень алтазь региононь советэнь келейгавтозь промкс, конасонть ульнесь Мордовиянь Прявтось. Тонавтомань ды трямонь-кастомань покш тевде кортамотне ушодовсть зярыя иеде икеле. Ней масторсонок виевстэ важоди «Движение первых» покш вейсэндявкс. Од ломаненть кастомасо тееви ламо. Ды тень пингстэ эрьва эйкакшось, тетятне-аватне марявольть эсь пряст вейсэнь тевень топавтыцякс. 2024-це иес путозь аравтомат, конат сюлмазь од ломаненть эрьва кодамо ёндо кастоманзо марто. Ней покш вейсэндявксось моли седе тов, пурны вейс тонавтомань ды лия учреждениятнень. Совицятнень валост коряс, те максы ламо мельть-арсемат.
Сы иес прявт путовкстнэстэ вейкесь — совавтомс вейсэндявксос седе ламо эйкакшт. Стакачи марто од ломантнень марто важодемань ветямодо меленть ёвтызе Наталья Юткина. Теке марто сы иестэ седеяк покш мель кармить явомо грантонь пелькстамотненень, келейгавтомс вейсэндявксонть важодеманзо кизэнь лагертнесэ. Теде башка кепедизь воркаутонь пелькстамонь коряс кевкстеманть. Ютазь таргосто «Медиасистемы» форумсо Артём Здуновнень истямо мель ёвтась Марий Элстэ инжесь.