«Ведявань налксемат». Пролетарской раойнсо невтезель эрзянь кезэрень койтнень эйстэ вейкесь. (В Пролетарском районе показали инсценировку одного из эрзянскаих праздников.) ЭРЗЯ

Пролетарской районсо ютась мелень саиця покшчи. Фонтанонть вакссо путозель театрализованной невтема «Ведявань налксемат». Сонзэ главной героекс кармасть Ведявась ды веденть марто сюлмазь ёвксонь эрицятне. Кезэрень шкасто саезь ломантне тешкстылизь кизэнь куншканть. Истямо тешкстамо чикс кармась Иван Купалась. Седе пек тешкстызь сонзэ од ломантне. Кенярдсть сонензэ аволь ансяк чить, но и чокшне. Кой-кирдатне те чистэнть  сюлмазельть  веденть, толонть, тикшетнень марто. Пролетарской районсо, фонтанонть вакссо, косо пси читнестэ свал пурнавить ламо ломанть, ютавтызь Купалань коенть. «Ламзурь» фольклорно-этнографической ансямблянь аватне кезэрень шкань коенть коряс лецтизь, кода те покшчинть тешкстылизь эрзятне. Эрзянь ды рузонь кельсэ сынь пшкадсть те покшчинь азоравантень-Ведявантень. Кезэрень коень коряс Купалань чистэнть аволь ансяк экшелясть ведьсэ. Те шкане кенерить ламот тикшетне. Тикшес содыцятне кизэнь куншкасто кармильть  сынст пурнамо, костямо, анокстамо телентень. Истяжо те чинь коекс аштиль толпандясь, сонзэ велькска кирнявтнемась, перьканзо морамо кужонь ветямось. Ошонь эрицятнень икеле морасть Мордовиянь содавикс морыцятне, фольклорной коллективтне. Весенень, кие се чистэнть ульнесь фонтанонть вакссо, те покшчись тусь мельс!