Ведесь – те сонсь эрямось! (ЭРЗЯ)
Модамасторонь эрямонтень покш лезкс максы ведесь. Меельце шкасто эрьва кодат покшчитнесэ сеедьстэ кепсевить стакачить, конат алтазь ведень ванстомантень ды идемантень. Те покшчинь анокстыцятне – Пролетарской буесэ эрзя-мокшонь регионъютконь общественной вейсэндявксонь курось ды «Луч» культурань кудось. Кезэрень шкатнестэ саезь эрзятне ды мокшотне пек ванстасть веденть. Сынь сюконякшность Ведявантень – ведень азоравантень, ванстыцянтень, кунсолость эйсэнзэ ды ловсть алкуксонь идицякс. Алтасть тензэ морот. Ютавтовиця покшчисэнть Ведяванть налкси Раиса Зорькина. Сонзэ валонзо коряс, истят покшчитнес ломантне сыть ансяк паро ёжосо. Минек эрямо таркатнесэ улить ламо лейть, эрькть, сёлтт ды лисьмапрят. Тесэнь эрицятне ведтеме зярдояк эзть нее эсь эрямост. Секскак сынь пельсть сельгемс ды рудазкавтомс веденть. Ансяк неень шкасто тевесь ашти тунь лиякс. Теке марто покшчинь ютавтомань шкасто ламо эйкакштне кенярдозь чийнесть фонтансто чавиця веденть вакска. Начтасть эсь пряст, пургсесть лиятнень. Неяви, ведесь сынст
туртов – алкуксонь эрямо. Ванстовлизь ансяк.