Важодематевезэ — сэтьмечинь ванстомась! (ЭРЗЯ)
Те тейтеренть лангс ванозь арсезеват — косто саевить истят кеме, виев обуця марто ломантне? Юля кайсь лиятнень эйстэ мейсэяк а явовиця кудораськесэ. Уш вишка порасто арсесь — карми важодеме полициясо. Видьксты — важодемась тесэ аволь шожда. Вень а удома, ульцясо важодема, ламо командировкат. Ансяк те сонзэ а тандавты, тейтересь эрьва чи мизолкс ды паро ёжомарямо марто сы важодема таркав. Васенце командировказо ульнесь Северной Кавказов. Кото ковонь перть Юлия кандсь служба Чечнясо. Пель иесь ливтясь пек паросто, нейгак кирди кеме сюлмавомат весень марто, кить истяжо ульнесть се командировкасонть. Седе мейле ульнесь колмо ковс молема Сочи ошов, телень Олимпиадань шкасто. Ней тейтересь тонавтни Нижний Новгородонь МВД-нь академиясо. Юлия Богатова свал тевсэ, оймсема чистэяк а ашти таркасонзо. Истямо сонзэ обуцязо, коллеганзо кортыть — сонзэ эйсэ ламо энергия. Тейтересь свал мизолкс марто, пек вечксы важодеманзо ды эрямонть пельде саи весементь.