Важодемань вешнемань куншкакуртнень те иень ковтнень перть цётамотнеде (эрзя)

Те иень ушодовомсто саезь республикань вейке тёжадо ветесядто ламо эрицятненень муезельть важодемань таркат республикань эрицятнень занятостень Куншкакуронть вельде. Весемезэ те шканть перть региононь кадрань куншкакуротнес пшкадсть кавто тёжадо ветесядто ламо эрицят. Сынст эйстэ 60 проценттнэ профессиянь муемань кевкстеманть топавтызь куншкакуронь специалисттнэнь вельде.
Истят сэрей невтевксэс удалакшны почкодекшнемс занятостень службань одкстомтоманть вельде, кона юты те иестэ. Икелень форматонь куншкакуротнень таркас сыть неень шкань ды седеяк пек лездыця «Работа России» кадрань куншкакуротне. Важодемань вешницятненень ды максыцятненень келейгавтови услугань максомань лувось, нолдавить тевс кирдемань ды карьерань кастомань од программатне. Весе учреждениятнесэ теевить сыцятненень ды важодицятненень пек паро условият, максовить поладомань услугат организациятнень-вейсэ важодицятнень пельде.
«Вейсэнь одкстомтоманть лувсо сех питнеесь – пшкадицятнень марто важодемань лувонть полавтомась. Важодемань вешницятненень аволь ансяк мереви бойкасто муемс ладиця важодеманть, но питневтеме кастомс квалификациянть эли тонавтнемс одос, кона эрявикс важодемань микшнемань таркасонть» — кортавтызе Мордовиянь кадрань куншкакуронь прявтось Игорь Юрченков.
Куншкакуронь специалисттнэ лездыть пурнамс пелькстамосо изниця резюме ды анокстамс важодемань максыцянть марто кортамонтень, саемс эсеть тевень панжомас государстванть пельде лезэ. Важодемань максыцятненень истяжо ютавицят занятостень службанть пельде лездамонь эрьва кодат мерат ды икелев молемань неень шкань форматт.