«Вастома Ялгат» регионъютконь 2-це фестивалесь ютась Алтай ёнксонь Борисово велесэ (ЭРЗЯ)
Эрзянь велентень тедеде топодить 285 иеть. Вейке чис сон кармась ламо раськень куншкакурокс! Инжетне састь Россиянь ламо регионсто. Мелесь ютавтомс истямо покшчи- Галина Водясовань -Алтай ёнкссо «Эрзянь мастор» раськень культурань вейсэндявксонь правлениянь прявтонть. Шкинемань невтематне, гайгиця моротне, раськень оршамопельтне ды ярсамопельтне мазылгавтсть покшчинть. Фестивальсэнть невтсть ёрокчист ламо коллективть, конатнень ютксоль «Торама» ансамбляськак. Покшчинь ютавтомань прявт путовксось-тиринь келень, культурань, раськень ванстомасо, ояксчинь сюлмавомань кемекстамосо. Кенярксчинь пурныцятнень кирдинзе Россиянь Государственной Думань депутатось Александр Прокопьев, тедедеяк сон ульнесь покш инжетнень ютксо.