Ковылкинань буень механизаторось совась Россиясо кемень сехте вадрятнень юткс! (эрзя)
Александр Караваев невтизе Мордовиянть «Лучший по профессии» федеральной пелькстамосонть. Тамбов ёнкссо вастовсть 20 ламо регионтнэстэ механизатортнэ. Участниктне редизь ды ладясть техниканть, важодсть автопилотонть марто ды невтсть фигурной ветямонь ёрокчинть. Тракторонть марто Александрань содавтызе тетязо. Школасо тонавтнемстэ сон важодсь комбайнёронь лездыцякс, седе тов, строителекс тонавтнемстэ, чарькодсь – сонензэ седе малавикс мода лангсо важодемась. 12 иеть Александр важоди «Мордовский бекон» предприятиясонть. Зярдо-бути вейсэ важодиця ялгатне лездасть тензэ чарькодемс бортовой компьютерэнть, а ней сонсь тонавты од механизатортнэнь ды кирди сетнень, кить ансяк ушодыть.