Раськень вейкетьксчинь Чистэ Чувашиянь раськетнень ояксчинь Кудосонть ютавтови «Единая семья народов России» раськень культурань республикань фестиваль (эрзя)

Этнокультурной тевесь юты Россиянь ФАДН-нть, Чувашиянь культурань министерстванть, Россиянь раськетнень Ассамблеянь региононь отделениянть лезксэст вельде. Сон аравтозь раськень культурань койтнень, кельтнень ванстомантень, Чувашиянь моданть лангсо сэтьмечинь, чарькодемань ды вейсэндявомань кемекстамонтень, Россиянь историянтень ды вейке-вейкенень мелень явомантень. Кенярксчись вейсэндясынзе эрьва кодамо иень, профессиянь, раськень ды конфессиянь ломантнень, вадрясто невтьсы минек масторонь культурань сюпавчинь ды вейсэндявомань питнечинть.
Инжетнень учи покшчинь этнокультурной программа. Сон ушодови «Россия – семья семей» весе Россиянь акциянть лувсо вейсэндиця ды ояксчисэ эриця «Народной хороводсто». Мазылгавтсызь фестиваленть региононь самодеятельной шкинемань коллективтнень, Чувашиянь раськень-культурань вейсэндявкстнэнь невтемаст. Инжетне несызь ды марясызь Россиядо моронь ды киштемань мазый композициятнень. Мазый лопакс истя жо карми «Хоровод дружбы: дети Поволжья» этнофестивалень участниктнень дефилесь.
Коень коряс карми важодеме «Созидаем вместе» эномастерскоесь. Республикань раськень художественной промыслань мастертнэ ёвтнить авторонь шкинемань салавачитнеде ды лездыть теемс раськень мазылгавтомапельть, кедьсэ теезь няка, викшнить вечкевикс тешкс.
“Минек фестивалесь Чувашиянь раськетнень ояксчинь Кудонть юрсо тешкстасы раськетнень ютксо чарькодеманть ды вейке-вейкенень мелень явоманть. Сон карми культуратнень, лия ёнов а молиця койтнень, ялгаксчинь ды Россиянь раськетнень вейкетьксчинь Иень ды Чувашиясо раськетнень ялгаксчинь иень прявт тевекс. Минь вейсэ редясынек минек масторонь ламо раськень покш семиянтень кандовоманть”, – мерсь Чувашиянь раськетнень ояксчинь Кудонь прявтось Сергей Иванов.