Василий Шукшинэнь ледстнемга шкинемань чокшне. (Вечер памяти Василия Шукшина) ЭРЗЯ
Мокшонь ундокс марто содавикс сёрмадыця, актёр, режиссер, сценарист! Россиянь президентэнть грантсо кирдезь «Калина красная» проектэнть лувсо , Саран ошсо ютась Василий Шукшинэнь ледстнемга шкинемань чокшне. Сонзэ шкинеманзо вечкицятне лемдить те вастовоманть тундонь культурань прявт событиякс. Чокшненть ушодомадонзо икеле ваныцятне мельспаросо кортнить содавикс сермадеенть ды актеронть сюпав тевкадовкстонзо.
Ванстомс Василий Макаровичень шкинемань тевкадовксонзо –тенень бажить «Формула успеха» Фондс совицятне. Тешкстама, фондось пурназель – теезель Аннань – Шукшинэнь нуцьканзо арсеманзо коряс 3 иеде теде икеле.
Тедиде васенцеде «Калина красная» фестиваленть лувсо ледстнемань чокшнетне уш ютасть Москвсо, Санкт-Петербургсо, Барнаулсо. Проектэнь топавтомань меельце таркакс кармась региононок прявтошонок.
Шкинемань вастовоматнеде икеле ютавтозель Шукшинэнь ёвтнеманзо сехте парсте ловномань коряс Весе Россиянь литературань пелькстамо. Малав 1000 яволявтомат, юткстост 203-тне минек республикасто. Мордовиясто сех вадря ловныцякс кочказь Карина Фураева – Саран ошонь 24-це номер школань тонавтницясь. Казнекс лауреаттнэнень – проектэнть лувсо «Далёкие зимние вечера» нолдазь книгась.
Василий Шукшиннэнь кеврунготнень ютксто вейкесь панжозель тиринь ёнкссонзо, Алтайсэ 12 иеде теде икеле. Пикет пандось – драматургонть вечкевикс таркатнестэ вейкесь, самай тесэ снимазель «Печки-лавочки» фильмань меельце кадрась. Василий Макаровичень бюст маласо шкасто панжови «Аллея Российской славы» проектэнть лувсо. Бюстонь копиясь – казнекс 20-це пингень омбоце пельксэнь содавикс ломаненть тейтерензэ туртов.
Казнекс пурнавозтнень туртов ледстнемань чокшнестэнть кармасть улеме «Чудик» анимационной фильманть ды актеронть аванзо Василий Белов сёрмадыцянть марто сёрмалемаст лангс нежедезь, анокстазь «Василий Шукшин. Родина навсегда» документальной картинань презентациятне.