Василий Ширманкин Россиянь раськень мастерэсь васты юбилеензэ! (ЭРЗЯ)
Сонзэ лемезэ содавикс ламонень, сонзэ чувтосто керсезь теевксэнзэ масторлангонь келес содавтыть эрзянь раськенть сюпав эрямопингенть марто! Россиянь раськень мастерэнтень, МР-нь Прявтонь Грантонь саицянтень — Василий Ширманкиннэнь -50 иеть! Ансяк чачома чинть сон васты аволь кода весе. Чачсь сон Кочкурбуень ВирьТавласо, велесэ, конась кеместэ сюлмазь чувто ланга керсемань койтнень марто. Василий Ширманкин ледстни, васенце теевксэзэ- пенгень пилицят ды набой алашат композициятне. Тешксты- Тавлань чувто ланга керсемань школанть кастомга тейсь покш путовкс эрьва тонавтницясь, ламот конатнень эйстэ ней –покш лем марто мастерт. А эсензэ ёрокчинзэ, содамочинзэ бажи максомс эйкакштнэнень. Василий Ширманкин анокстась методика, конань вельде ютавтовиця мастер-класстнэсэ, панжадо уроктнесэ сон ламо иень перть малавгавты ломантнень чувто ланга керсемань тевветямонтень. Чувто ланга керсемань кужос 2 иеть яки Георгий Ивлев- омбоце классонь тонавтницясь. Ней чувто ланга керсемань кужос сех вишка тонавтницясь бажи анокстамс покш теевкс- ведькев! Тонавтыцясь ёвтни, чувто ланга важодемась ушодови чамаксонь теемасто. Чамакстнэ невтить керсицянть потмоёжонзо, обуцянзо, ды мик раськензэ! Раськенек ёнкс марто сюлмазь ламо важодеманзо — Егор Догоровонь. Каштанчисэ тонавтыцясь Александр Беспаловонь кис. 7 иень перть важодемась –покш цетавкс марто. Секскак тонавтницянтень сюконямонь валт ды седейшкавань мельть-арсемат. Юбилеенть марто поздоровонь валт редакциянь пельде ёвтыть О. Чернова, М. Кияйкин.