В самарской области прошел молодежный форум «Iволга»
Самара ёнкссо зярыя чинь перть юты Иволга раськеютконь од ломанень форумось. Вейксэ чинь перть од ломантне идить эсест проектэст, вастневкшнить содавикс ломань марто, невтить пря эрьва кодамо творческой фестивальтнесэ. «Инновациясь ды технической ёрокчись», «Ты предприниматель», «Политика» ды ламо лия стратегической ёнкст, конатнень коряс важодить иволгань участниктне. Сынст ютксо 80-нде ламо од ломанть Мордовиясто. Университетэнь тонавтницясь Дмитрий Рогозин «Культурный бум» сменасо пелькстыця, слётс сась «Студенческое радио» проектэнть марто. А вана Дарья Кливер зярыя иень перть пурны ды ютавты интелектуальной пелькстамонь турнирт. Иволгасо сон невтизе Поволжьянь интеллектуальной олимпиада проектэнть. Грантонть эйстэ вейке эскелькссэ Екатерина Аверьянова, кона пельксты «Поколение добра» сменасо. Неть читнестэ сон эсензэ проектэнть марто, конань лемдизе «Всё в твоих руках» ютась финальной этапс.
Екатеринань проектсэ интернатонь ды реабилитационной центрасо эриця эйкакштнэ тердевить седе ламо мель явомо спортонтень. Арсеви, што неть эйкакштнэнь марто тренировкат кармить ютавтнеме профессиональной спортсмент ды олимпийской чемпионт. Сень лангс апак вано, што форумонь участниктнень пек ламо тевест, сынь а стувтнить оймсеманть лангаяк. Ютко шкасто ардтнить велосипедсэ, байдаркасо, экшелить.