В. Ромашкинэнь чачома чистэнзэ саезь 65 иетнень топодемань тешкстамонтень. (К 65 летию со дня рождения В. Ромашкина) ЭРЗЯ

Те иестэнть топодевельть бу 65 иеть содавикс композиторонтень Владимир Ромашкиннэнь. Сонзэ Йовлань Олонь лемсэ этно-кудось панжозель кемень иеде теде икеле. Юбилейной иестэнть арсеви ютавтомс ламо мельстуиця мероприятият. Тавлань «Эрьмезь» чувто ланга керсицянь вейсэндявксонь прявтось Пётр Рябов вешни ломанть, кинь муевельть бу вийть лездамс те покштояк покш тевсэнть. Музыкантонть бюстонть карми тееме содавикс скульпторось Николай Филатов. Зярыя вариант уже теезь. Истяжо арсеви нолдамс альбом, козонь совить Владимир Ромашкиндэ ледстнемат, статьят, конатнень сёрмадызь малавиксэнзэ, коллеганзо, раськензэ. Теде башка юбилейной читнестэ арсеви ютавтомс раськеютконь керсицянь фестиваль. Васенцесь ютавтозель 2001-це иестэ, ней сонзэ арсить поладомс. Эрямось невтизе этно-кудонть эрявиксчинзэ. 10 иетнень перть те музеентень сакшность 60 000 ламо ломанть Россиянь малав весе регионтнэстэ, мик омбо мастортнэстэяк. А музеень кудазоравась Раиса Водясова свалшкане анок вастомс инжеть. Минь карматано ванномо кода карми молеме анокстамось те покшчинтень ды невтеме весементь эсенек передачатнесэ.