«Успешная семья Приволжья» фестивальсэнть Мордовиянть невтьсы Волковтнень кудораськест. (ЭРЗЯ)

Волковтнень кудораськест Краснослободскойсэ содасызь весе. Сынь эрьва мезес маштыцят, ве мельсэ эрият. Прявтокс кудосо ловови-тетяст. Северной Кавказсо военной действиянь ветеран, «За отличие в службе» наградань полной кавалер. Низэ Ольга ледстни, кода учось вечкевикс мирдензэ эйсэ войнасто. Учовсь ды мейле зярдояк кудораськензэ эзизе кадно. Ольга Волкова Краснослободской школасо педагог-организатор, «Виктория» киштемань группань ветиця. Косо, эряви меремс, кишти весе кудораськест. Теде башка цёратне пек вечксызь волейболонть. Истямо кудораськесь эзь кадово апак редя. Эряви меремс, Волковтне тешкстазельть дипломсо «Семья года» республиканской пелькстамосо. Областной фестивалентень Волковтне анокстасть кавто ковт. Киштематнень мазылгавтызь раськень койсэ. Сцена лангсо сынь ушодыть киштеме эрзянь-мокшонь, рузонь киштемасо, а прядсызь вальссо. «Лучшая семья Приволжья» фестивалесь те иестэ пурнась 14 кудораськеть. Сынст эйстэ колмотне лисить изницякс.