Ушаковонди лемтьф выставкась (МОКША)
Выставкаса няфтьфт Россиянь архифнень эзда документтнень копиясна, тяконь лувксса Мордовиянь Центральнай Государственнай архивонь фондста. Ведть лангса тюрендематне, а синь эздост адмиралть ульсь нильгемоньда лама и сембонь эса сон сяськсь, няфтьфт кемгафксувоце веконь вейхксогемонце кизотнень гравюраснон и эрь кодама музейста тяниень пингонь художникнень картинаснон копиясна. Выставкать экспозицияса колма разделхт. Васенцесь лемтьф содаф флотоводецть военнай подвигонзонды, омбоцесь – Феодор Ушаковонь Мордовияса эряманцты, а колмоцесь пачфни сянь колга, кода воинць арась святойкс. Выставкать панжемста ульсть культурань, национальнай политикань, туризмань и архивнай тевонь министерствань работникне, ВМФ-нь и духовенствань представительхне, Саранск ошень колмоце школань тонафнихне, а тяфта жа Новороссийск ошень Ушаков адмиралть лемса Государственнай морской университетста инжихне. Феодор Ушаковонь эряфоц — служамань кепотьксокс эсь родинанцты, коса касфтовихть патриотонь од поколениятне. Федор Ушаков святойсь арась Мордовияти и Россиянь марнек Военно-Морской флотти ванфтыкс – аралайкс.