Ульяновск ёнкссо нилецеде ютась «Шумбрат» эрзя-мокшонь раськень покшчись. (ЭРЗЯ)
Мелесь сонзэ ютавтомадо ёвтазель 2012-це иестэ Саранск ошсо «Все мы -Россия» форумсонть. Коень коряс «Шумбрат» фестивалень инжетнень, конатнень ютксоль и Мордовиясто делегациясь, вастыть Ульяновск ошонь Владимирской парксо. Региононь 10 районтнэстэ коллективтне анокстасть ужинеть, конатнесэ содавтыть эрзянь оршамотнень, ярсамопельтнень, тевветямотнень, койтнень марто. Башка площадкасо – литературань марафонось ды «Седяк, гармония» пелькстамось. Важодсть декоративно-прикладной творчествань, артовксонь ды эрзя-мокшонь сёрмадеень книгань невтемат. Пурнавозтнень туртов морамонь ды киштемань ёрокчист невтизь «Эрьгине» ды «Сиянь баягинеть» эйкакшонь пелькстамонь финалистнэ ды изницятне, Весероссиянь ды раськеютконь пелькстамонь лауреаттнэ. Виев цяпамосо вастызь Мордовиянь «Умарина» морамонь ды киштемань государственной ансамблянть. Содазь, покшчинь ютавтомань прявт путовксось регионсо раськень культурань, коень ванстомасо, Мордовия Республиканть марто сюлмавомань кемекстамосо.