Ульяновск ошсо ютась эрзя-мокшонь од ломанень васенце областной форум. (В Ульяновске прошел первый форум Мордовский молодёжи). ЭРЗЯ

Вастовомасонть ульнесть общественной деятельть, студент, культурасо, наукасо, образованиясо важодицят. Ульяновск ёнкссо эрить малав ведьгемень тёжат эрзят-мокшот. Тесэ 15 иень перть важоди эрзя-мокшонь национально-культурной автономиясь, тонавтовить эрзянь ды мокшонь кельтне, улить сатышка тонавтнемапельть. Теде башка, ютавтовить пек ламо раськень кенярксчить, конатнес пуромкшныть седицят-морыцят кода Ульяновскойстэ, истя жо лия регионтнэстэяк. Паро, зярдо ве таркас пуромить эрьва-кодамо ёнкссо важодиця ломанть, конат явить покш мель тиринь кельтненень, культурантень, ванкшныть тень марто сюлмавозь талновтыця кевкстематнень. Неть кевкстематненть коряс ветявсть пси кортамот, лангс ливтезельть ламо стакачить, ёвтазельть мельть-арсемат сынст витемга. Кортамотне мольсть кавто часонь перть, цётамотне — автономиянть лувсо карми пурназь од ломанень вейсэндявкс. Пек эрявикс тевесь теевсь – чачсь эрзямокшонь од вейсэндявкс. Тевтнеде сатыть весеменень. Арсетно паро важодема, ламо ве мельс совиця ломанть, виде ки, од муевкст. Форумонть рамкатнесэ ульнесть ютавтозь эрзянь ды мокшонь кельтнень коряс мастер-класст, Н.П.Огарёв лемсэ университетэнь студенттнэ киштеманть вельде невтизь минек раськень койтнень-кирдатнень, чувто ланга керсицясь Пётр Рябов весень содавтынзе Тавлань налшкенть марто.