Уледе редицякс (эрзя)
Молиця иень эйзюрковонть перть Мордовиянь 120 эрицятне ютавтсть манчицятненень 48 миллионт целковойть. Весемезэ 2024-це иень васенце колмо ковтнень перть эрицятне ёмавтсть 103 миллионт.
Те шкас закононь сех сеедьстэнь коламотнень ютксо кадови аволь закононь коряс счётсто ярмаконь каямось ды асодавикстнэнь пельде кредитэнь саемась седе тов таштавкстнэнь «зыянтомо» счётс ютавтомась.
Истямо лувсо эйзюрковсто ёмавтозельть 25 миллиондо ламо целковойть. Ещё 16 миллионтнэнь максызь манчицятненень минек ёнксонь 20 эрицятне, конат снартнесть сюпалгадомс электронной микшнематнесэ, инвестициятнесэ ды муемс важодемань таркат.
3 миллионт целковойть асодавикстнэнень кучизь 13 эрицятне, раськест туртов лездамга, конат теевсть авариянь «чумокс». Зняро жо ярмакт ёмавтсть зыянс понгозетне питневтеме яволявтомань сайтсэ, социальной сеттнесэ ды содавикс маркетплейсэнь платформасо товаронь рамамсто ды миемстэ.
Мордовия Республикава МВД-сь ледсти эрицятненень: бути тыненк гайневтить ломанть ды кортыть, што сынь важодить банксо эли полициясо – сеске гайневтеде финансонь организациянь ды правоохранительной органонь официальной номертнэва.
Илядо ютавтне товартнэнь кис шкадо икеле ярмакт, ды киненьгак илинк ёвтне банконь весе реквизиттнэнь, PIN-кодонть, CVC/CVV-кодтнэнь ды операциятнень топавтомга весть нолдавиця парольтнень. Ярмаконь ютавтомга тыненк саты банконь картань номерэсь.