Удмуртиясо ютась «Палэзян» финнэнь-угрань од ломанень этнокультурань фестивалесь (ЭРЗЯ)

Республиканок пельде тов якасть «Од варма» арт-театрась, «Кезэрень кой» народной моронь ансамблясь, «Васедема» киштемань коллективесь ды од сёрмадыцясь Алина Подгорнова. Фестиваленть рамкатнесэ мольсть мастер-класст, творческой вастовомат, выставкат, концерт. Те иестэнть «Палэзян» фестивалесь ютавтови котоцеде. Лия иетнестэ тей пуромкшность ансяк морыцят, тедеде тердсть сёрмадыцяткак. Кавто чинь перть сёрмадыцятне ульнесть ламо вастовомасо, якасть удмуртонь газетань ды журналонь редакциява, ульнесть «Ингож» од сёрмадыцянь вейсэнь пусмонь презентациясо, самай тосо эрьвась эйстэст ловнось эсь кельсэ стихть. Содазь, зярыя иень перть Алина Подгорнова важоди «Сятко» журналонь редакциясонть. Секскак сайнесь мартонзо журналонь зярыя номерт. Тейтеренть валонзо коряс малав весе тешкстызь, лангаксось пек паро. Фестиваленть эрьва ие ютавты раськетнень ютксо Ялгаксчинь кудось ды Удмуртиянь Культурань министерствась.Те мероприятиясь казсь весенень ламо од содамочить, вастовомат. Содазь, истямо лувсо ютавтозь вастовоматне седеяк малавгавтыть раськетнень.