Учотано «Изнямонь паровозонть» (эрзя)
Рузаевкав «Изнямонь Паровозось» содавикс «Лебедянканть» марто пачкоди панжиковонь 3-це чистэ 9 чассто.
Икелень шкань-составось арды Куйбышевань чугункань кинь покш 11 лоткамо таркатнень. Лувсонзо «Куломань а содыця полконь» пассажирэнь усксемань вагонт ды Ине Отечествань войнань техникань марто платформат. Мельс туиця экспонаттнэнь ютксо: Т-34 советской танкось, бронеардомапелесь ды пулемёт марто ЗИС ардомапельтне, танконь тапамонь пушкатне ды войнань крандазтнэ, чары лангсо паксянь пидемань-панемань таркась. Покшчинь инжетненень мереви теемс фотот лия ёнов а молиця техниканть марто.
Истяжо теевемс реконструкциянь участникекс, кона одов тейсы 1945-це иень коштонть: фронтсто велявтозь ушмантнэнь вастоманть ды кенярксчинь концертэнть. Мереви неемс Ине Отечествань войнань шкань леднемань ружиянь невтеманть ды вейсэндямс «Георгиень парсей» акциянтень.