«Учитель года – 2017» ошень конкурссь (МОКША)
Вов ни лама киза «Учитель года» ошень конкурссь кочксесыне марса инь цебярь и смузю тонафтыхнень. Тя пялькстомаса синь няфнесазь эсь сатфксснон, тонафтомань методикатнень и аф эсь лацонь проектснон. Конкурсонь жюрись оржаста ванцы сембонь и азсы сяськить лемонц. Илать торжественнай панжемста азфоль пялькстомань эрь участникть колга. Ётксост ули и мокшень кялень тонафты. Пяк цебярь, што теенза удалай няфтемс лиятненди минценнеть. Улихть тя пялькстомаса и сят, кие аф васенцеда ни примай участия конкурсса. Синь козя содамашисна и теест ули мезьса дивандафтомс жюрити сувсихнень. Кажнайсь надияй сяськомс и лисемс республиканскяй этапс. Ваномок панжада урокнень, мастер-класснень и образовательнай проекттнень, комсь васенце мартста жюрись азсыне сяськить и финалисттнень лемснон.