«Ученик года-2016» пелькстамось ютась Ульяновскойсэ. (В Ульяновске прошёл конкурс «Ученик года-2016») ЭРЗЯ
Ульяновск ошсо ёвтызь сех вадря тонавтницянть лемензэ. «Ученик года» лемесь те иестэ максозель Челябинск ёнксонь тонавтницянтень Анастасия Коршунованень. Тешкстасынек, те пелькстамосо эсензэ виензэ варчизе Саранск ошонь тонавтницяськак. Виталия Чеснова Саран ошонь 20-це номер гимназиянь тонавтницясь истяжо пелькстыцятнень ютксо. Шкинемань кудонь сценанть лангсо ламо тонавтницят, од ломанть; тесэ ютавтовить «Ученик года-2016» весе Россиянь пелькстамонь цётамотне. Финальной этапс Ульяновскоев састь сех превей тонавтницятне Россиянь 24 регионтнэстэ, Камчасткасто саезь Карелия видс. Од ломантне ютасть интеллектуальной, шкинемань пелькстамот, ёвтнесть жюринтень тиринь мастордост. Ульяновской ёнксонть кисэ пелькстась 31-це номер школань 10-це классонь тонавтницясь Александр Бригаднов. Сон аволь ансяк вадрясто тонавтни, мель яви ошонь культурной эрямосо, ламо шка максы театральной студиятнень. Валонзо коряс, самай театральной ёрокчись лездась сонензэ изнямс пелькстамотнесэ. Тесэ сонензэ максозель колмоце таркась. Омбоцесэнть тонавтницясь Саратовань ёнкссто, а васенцесэнть Челябинск ошонь тонавтницясь Анастасия Коршунова.