Тяда васькафтов (мокша)
Мордовияса сидеста ушедсть васькафнема мошенниконь тяфтама схемать вельде, мзярда кальдяв тев тии ломанць мессенджерса полафтф аккаунтста максесы прянц лия ломанькса. Тяни аф аньцек покодикс, но и официальнай ведомствань и эрь кодама организациянь оцюнякс.
Васькафнихне кучсихть сёрма организациянь оцюнять лемонц эзда, кинь лангс покоди ломанць. Аккаунтса няфтеви оцюнять лемоц и фотографияц: ня даннайхне тёждяста мувихть интернетста. Штоба ломанць сяда кемаль, васькафнихне пшкядьшнихть теенза лемса и алянь лемса. Тяфтама сёрматфса мошенникне пачфнихть, что ломанти курок гайфтихть профильнай ведомстваста. Тяда башка, корхтайхть тянь колга киндинге аф азондомс. Сяда тов аф содаф номерста гайфтихть ломанти, ёрайхть содамс конфиденциальнай информациянц или мярьгихть тиемс ярмаконь операцият. Тяфтама схемаса мошенникне шарьходьсазь, что ломанти стака атказамс организациянь оцюняти.
Тяда веронда аф содаф гайфтнематненди и сёрматфненди, даже кда корхтайсь лемфтьсы прянц теенть содаф ломанькс. Мзярда гайфтихть ярмаконь коряс корхтамань мархта, кизефтесть ломанть, кодама сон организацияста, должностенц и путость трубкать. Муинть организациять официальнай контактонзон и варжасть: фкя лацот номерхне или аф. Кода ба афолезь лемде пряснон аф содаф ломаттне, тясть макссе теест картань даннайхнень, СМС-та кодтнень, онлайн-банконь личнай кабинетс сувамоти логинть и парольть. Кда ашесть шарьхкоде, содаф тя ломань или мошенниксь, максода кизефкс лия мессенджерса или гайфтеда тинць. Максода стама кизефкс, виде каршек вал конанцты максы аньцек содаф ломанць.