Троицясь Краснослободской районсо. (ЭРЗЯ)
Краснослободск ёнксонь эрицятне — инжень вечкицят, секскак Троицянть тесэ тешкстыть келейстэ. Эрьва сыцясь тесэ — учовиця инже. Покшчинь официальной пельксэнть панжизе Мордовиянь Правительствань прявтось Владимир Сушков. Сон ёвтась пурнавозтненень Республикань Прявтонть Владимир Волковонь пельде лембе валт. Райононь сех паро важодицятне, ветерантнэ, кудораськетне, конат эрясть вейсэ 50 иеть, масторонь сэтьмечинь шкань сы шкань ванстыцятне казезельть правительствань прявтонть пельде. Те иестэнть Красноподгорской велень поселениясо чачсть 16 эйкакшт. Сынст аватне истяжо казезельть. А эйкакшонь кужонь трявкстнэ киштемасо ёвтасть сюкпря республикань ды райононь прявтнэнь туртов. Советско-японской войнань участникесь Алексей Васильевич Нестеров ламо иензэ лангс апак вано, а сонензэ курок топодить 90 иеть, эрьва ие Москов ошсто сакшны те покшчинтень. Шумбрачинь, уцяскань арсемань лембе валтнэ те чистнэнть аволь весть гайгсть сцена лангсто.