Тонавтыцянь чинтень. Сурдопедагогонь важодемадо. (Ко дню учителя. О работе сурдопедагога) ЭРЗЯ

Саранск ошонь коррекционной общеобразовательной васенце ды омбоце видэнь школасо-интернатсо тонавтнить 125 эйкакшт. Эйстэдест 33-тне – дошкольникть. Общеобразовательной программадо башка тесэ тонавтыть марямо ды  кортамо. Вешематнень коряс класстнэсэ тонавтницятнеде ансяк кото. Истя седе шождасто саеви од информациясь. Тонавтыцянтеньгак седе шожда важодемс ды максомс содамочить эрьвантень. Тонавтыцянть икеле конёв, косо сёрмадозь, кодамо таркасто саезь мари эйкакшось. Тешкстама сеньгак, што общеобразовательной программанть сынь ютасызь аволь 9 иень перть, а 10, мекс тематнень лангс максови седе ламо шка. Эряви меремс неть эйкакштнэ пек талантливойть. Ютксост улить парсте артыцят, спортсмент. Нина Яушева вечки артомо. Сонзэ роботатне совасть «Мы нашли таланты» музейно-педагогической проектэнть вельде нолдазь пусмос. Те школань эрьва тонавтыцясь содасы «валтомо кортамонть», сонзэ вельде седе шожда тонавтомс беряньстэ мариця эйкакштнэнь. Эрявикс информациянть тонавтыцясь сёрмадсы доска лангс. Те сёрмадовкссонть, косо улить минек туртов а чарькодевиця тешкст, неть эйкакштнэ чарькодить пек парсте! Ловномсто ваныть тешкстнэнь лангс ды ёвтасызь валрисьменть эрявикс интонация марто. Штобу неть эйкакштнэ тонадовольть кортамо, содавлизь школань программанть-эряви путомс ламо вийть!