Тиринь келесь велень школасо. (Родной язык в сельской школе) ЭРЗЯ
Отяжбуень 1-це номер школась районсонть ловови виевтнень эйстэ вейкекс. Тесэнь тонавтницятне невтить пряст эрьва кодамо пелькстамотнесэ. Тиринь келень коряс олимпиадатнесэ эйкакштне свал изницятнень ютксо. Тувталось тенень-тиринь келень тонавтомась. Эрзянь келень уроктнэ ютавтовить тесэ 2-це классто саезь 7-цес. Ульнесть шкат, зярдо предметэсь максовсь кода факультатив, ней жо ламось полавтовсь. Тонавтыцянть, Елена Сергеевань, валонзо коряс – полавтовоматнень марто лиякстомсть и тонавтницятне, сынь седе ламо мель кармасть явомо эрзянь келентень. Уроксонть улемсэ сеске каяви сельмезэт – те алкуксонь эрзявась максы весе виензэ ды содамочинзэ тонавтницятнень туртов ды сынст пельдеяк учи паро содамочить. Мерема, школасонть тонавтницятне седе ламо рузт. Ульнесть шкат зярдо тетятнень-аватнень марто эрявсь ветямс кортамот эрзянь келень уроктнэнь эрявиксчидест, ней уж кияк те паро тевенть каршо а моли.