«Тиринь келень ды литературань сех вадря тонавтнемань нупаль» пелькстамосо изницятнень эйстэ вейкекс кармась Саранск ошонь 8-це номер школань эрзянь келень кабинетэсь. (Кабинет эрзянского языка Саранской школы №8 признан одним из лучших в конкурсе «Лучший кабинет родного языка») ЭРЗЯ

Эрзянь келень уроктне  Саранск ошонь 8-це номер школасонть ютыть классо-музейсэ. Ниле иень перть, зярс роботы тесэ  тонавтыцясь Людмила Ледяйкина, сон пурны те экспозициянть. Музейной экспонатнэнь марто аштить и эйкакшонь кедьсэ теезь налкшкетне. Эйкакштнэнь эйстэ ламотне якить художественной школас ды мелень путозь кандыть те классонтень эсест теевксэст. Кезэрень улипаротнень пурнасть Атяшевань, Ардатовань районтнэва. Ламо кандсть тонавтницянь тетятне-аватне. Кезэрень эрзянь кедьёнкст муевсть и Саранскоень кудотнесэяк. Эряви меремс, покш талика классонь пурнамонтень путсь Рав кужонь финнэнь-угрань  раськень культурань курось. Лездасть невтемапельсэ, конат эрявить уроконь ютавтомсто. Ламо вий классонь пурнамонтень путсь васняяк сонсь Людмила Ледяйкина. Нама,  а кода и неень шкань технологиятневтемеяк. Интерактивной лазось, компьютерось уроксо нолдавить сеедьстэ.

Стихть, морот, сценкат-весе те свал нолдави тевс уроконь ютавтомсто. Истя эйкакштнэ седе пштистэ кармить марямо эрзянь келенть мазычинть. Музейсэ улиця экспонатнэнь ваномсто сынь кармить содамо, мейсэ якасть минек раськень ломантне, кодат ульнесть кудоютконь кедьёнкстэ. Эрзянь литературанть марто эйкакштнэ содавтовить аволь ансяк стихень ды прозань ловномсто. Свалшкань тевекс кармась се, што те школантень инжекс  тердтнить сёрмадыцятнень. Эйкакштнэ теевить сынст марто содавиксэкс, кортнить мартост шкинемадост.