«Тиринь келень чи» (ЭРЗЯ)
Содавикс кельсодыенть, общественной деятеленть Анатолий Рябовонь чачома чистэнть масторсонок тешкстави тиринь келень чи. Зярыя иеде теде икеле те покшчись яволявтозель тиринь- эрзянь, мокшонь келень чикс. Тешкстави сон омбо масторсояк. Тедиде эрьгелемачись ютавтови Россиянь 40 субъектсэ. «Тюштядо» эрзянь кезэрень моронть пурнавозтне кунсолыть стядо. «Торама» ансамляс совицятне морыть сонзэ раськень ёжонь путозь. Тиринь келень чистэ тиринь кельде, раськеде кортамот, важодемань цетамотнень ванкшнома. Коень коряс –штатолонь кирвазтема. Покшчинть ундоксонзо молить 90-це иетнень ушодомсто. Самай сестэ пурназельть васенце покшчитне. 24 иень перть кочкавить Рябов лемсэ казнень лауреатт. Весе неть ломантнеде пурназь домка информация Нуянь Видязонь «Поладкстомо» книгасонть. Те иестэнь лауреатокс яволявтозь Иван Эрзяйкин. Покшчинь прявт инжетнень ютксо, чарькодеви, сеть, кить путыть ламо вийть тиринь келень тонавтомантень. Казнеть ды цецят–тонавтыцятненень! Содазь, келесь- культурань юр! «Руця» лезэпаргонь «Эрзянь ойме» пелькстамонь изницякс тедеде кармасть улеме Татьяна Мокшанова, Людмила Рябова ды Алина Подгорнова сермадыцятне. Пурнавозтнень туртов сынь ловнызь кочказь валморост. Покшчинь инжетне покш мельсэ кортасть тиринь келень чинь эрявиксчиденть. Ламо казнеть, каземань тешкс, кеняркс, каштанчи максыть истят покшчитне, конатне, кемтяно, кеместэ совить раськенек ковкерьксэнь прявт покшчитнень юткс!