Теньгушевань семицветкадонть (эрзя)
«Пряничный домик» документальной программань циклась ёвтни ваныцятненень коень раськень промыслатнеде ды художественной ремёслатнеде. Якшамковонь прядовомсто «Пряничный домик» программань командась содавтызе Мордовиянть Теньгушевань буенть, косо содавтовсь кедьчелькев аватнень марто, конат кодыть кодамонь салмукссо. Сынст кедьсэ кодазь понань носкатне ды варьгатне аволь ансяк лембеть, явовить мазый тюсонь коряс.
Те тевесь уш аволь васенце пинге кудораськетнесэ максови раськеде-раськес ды мик мусь тарка аволь умок викшнезь Мордовиянь картасонть.
Кодамо смустесь сисем тюсстнэсэ ды кода кодамонь салмукстнэсэ «артовить» сёрмадовксонь викшневкстнэ? Кода кезэрень шкатнестэ артсь штердевксэнть ды кода течи кастови коень промыслась?
Теде теле-документалисттнэ содасть кедьчелькев аватнень, конат «Теньгушевань сисем тюсонь кодамодо» содыть весементь — Валентина Ивановна Муклецова, Наталья Милованова, Вера Куликова, Татьяна Акимкина ды сонзэ теётерезэ. «Пряничный домик» программань од нолдавксонть, кона алтави «Теньгушевань сисем тюсонь кодамонтень», Мордовиянь сех лембе ды цитордыця тевентень, ванодо эйзюрковонь 21-це чистэ 17:15 «Культура» каналсо