Теньгушевань буень «Пизельне» ансамблянь прявтонтень Татьяна Карасёванень раськень шкинемань ванстомань кисэ макссть «Душа России» премия. (ЭРЗЯ)

Россиянь Правительстванть кармавтоманзо коряс «Пизельнесь» изнясь «Народное пение» номинациясонть.  Премиянть покшолмазо сядо тёжат целковойть. Ансамблясь важоди Теньгушева буень Нароватова велесэ. Сон аволь весть лиснесь изницякс республикасонок морамонь коряс ютавтовиця пелькстамотнесэ. Минек ваныцятне аволь весть некшнизь те коллективенть истямо фестивальтнесэ, кода «Шумбрат, Мордовия», «Торамась терди», «Предания старины глубокой» ды лият. Коллективень морамонь башка ёнксось – шокшань келесь ды кезэрень оршамопельтне, конат пек явовить эрзянь, мокшонь раськень оршамотнень эйстэ.