Темникавонь идень и од ломанень спортивнай школаса ётафтовсь ёмла футболонь пялькстама (МОКША)
Футболть коряс марнек масторонь Чемпионатть инголе Мордовиянь од ломаттне оцю мяль шарфнихть футболса налхкомать лангс. Аф кунара Темникавса Антон Приезжевонь казнянзон лангс ётафтовсь ёмла футболонь пялькстама . Турнирсь кочкась эсь потмозонза лама командада, конатне састь пъцтай марнек Темниковскяй районть эзда. Пялькстамась кочкась сисем командат. Участникне ульсть явфт кафта группава, конатнень эса васенце вастонь сявихненди ульсь кода налхкомс финалса, а омбоце вастонь сявихне налхкхксть омбоце и колмоце васттнень инкса. Групповой этапть эзда сембе налхкоматне ётасть цебярь спортивнай борьбаса. Кивок ашезь ёра макссемс пря.Финальнай пяльксть эса колмоце вастть инкса налхкома листть Булаева велень и Темниковскяй медицинскяй колледжень командате. 10:0 оцю счётса сяськсь Булаева велень командась. Сембодонга учсеви налхкомакс арась финалсь. Васенце вастть инкса пялькстасть Город и Темниковскяй полицейскяйхнень командасна. Пъцтай налхкомать пес сяськись нинге ульсь апак содак. Но полицейскяйхнень командасна путсть оцю вийхть налхкомать мекольце атаканцты и тейст удалась шавомс гол.Финальнай вяшкомась кемокстазе таблоть лангса 2:1 счётть. Турнирса сяськсть полицейскяйхне, омбоце вастть сявозе Город командась . Сяськихненди и казнянь вастонь сявихненди максфтольхть кубкат и питни казнят. Пялькстамась кунара ни арась эрь кизоннекс. И сай кизотьке эзда Темникавонь спортонь дворецссь кармай учсема нинге сяда лама участникта.