Течи тешкстави Россиянь печатень чись. (ЭРЗЯ)
1703-це иень якшамковонь 13-це чистэ Петр 1 инязоронть мереманзо коряс лиссь «Ведомости» газетань васенце номерэсь. Республикань Прявтось Владимир Волков отраслянь роботниктненень ды ветрантнэнень поздоровонь валсонзо тешкстызе, кодамо покш тарка саить СМИ-тне неень шкань информационной обществань кастомасонть. Телевидениянь, радионь, газетань, интернетэнь материалтнэ аштить ломантнень туртов невтемапелекс. Саранск ошонть 2018-це иень футболонь коряс масторлангонь чемпионатонтень парсте анокстамозо ламосо ашти информационной лезксэнть эйстэ. Неень шкане республикасонок лиснить сядот изданият, теде башка Мордовиясо улить масторонь келес содавикс газетань филиалт. Эйсэст важодиця журналистнэ бажить пачтямс эрицятненень экономикасо, культурасо, велень хозяйствасо ды эрямонь ламо лия енкстнэсэ топавтовиця тевтнеде. Неень а шожда шкастонть эрицятне сермадыцятнень пельде учить мелень витиця, эрямодонть видестэ евтниця материалт. Массовой информациянь средстватнень икелев стявтовить од темат.