Течи Сыктывкарсо ушодызе роботанзо РФ-нь финнэнь-угрань раськень 6-це инекужось. (ЭРЗЯ)
Састь 350 ломанть, сынст ютксо Россиянь 42 регионсто 210 делегатт. Те общественной вейсэндявксос совицят, бизнесэнь ды властень представительть, журналистт. Форумонть темазо – «Финно-угорские народы России: гражданская идентичность и этнокультурное многообразие». Пурнавозтне кортасызь финнэнь-угрань раськень кельтнень, культуранть ды этнотуризманть ванстоманть ды кастоманть. Инекужонь секциятне алтавить од ломантненень, информационной технологиятненень ды СМИ-тненень. Социальной партнерствань ды бизнесэнь кевкстематне кармить кортазь кругловой стувор экшсэ вастовомасонть. Форумонь роботамо читнестэ Сыктывкарсо ютыть эрьва кодат невтемат, фестивальть, пелькстамот. Инекужонь васенце чинь прявт тевесь – Афунонть кирдивийтнень од составонь кочкамось. Прявтокс ве мельсэ одс ладязь Петр Тултаев.